Li seranserê DYAyê ji ber sedemên ewlehiyê firîn hatin rawestandin
Rêveberiya Federal a Balafirvaniyê ya Dewletên Yekbûyî yên Amerîkayê (FAA) ragihand ku ji ber şert û mercên awarte û sedemên ewlehiyê, firînên li seranserê welêt heta ragihandineke din hatine rawestandin. Hat ragihandin ku firînên navneteweyî dê cuda cuda bên nirxandin.
Rêveberiya Federal a Balafirvaniyê ya DYAyê (FAA) roja Înê, 13ê Mijdarê, ji ber şert û mercên awarte û sedemên ewlehiyê ferman da ku rabûna balafiran li balafirgehên seranserê welêt heta ragihandineke din were rawestandin.
Di daxuyaniya FAA de hate gotin ku divê hemû operatorên balafiran rabûnên balafiran rawestînin, lê firînên ku jixwe di hewayê de ne ne di çarçoveya vê biryarê de ne. Ketina firînên navneteweyî ya welêt dê li gorî rewşa her yekê cuda were nirxandin.
Derbarê sedemên vê biryarê de agahiyên berfireh nehatin parvekirin.
Ajansa Nûçeyan a Kurdî
Facebook
Tweeter
Whatsapp
