Kurdî News Agency

Wezîrê Karên Derve yê Swîsreyê Ignazio Cassis ragihand ku wan bi cîgirê serokwezîr û wezîrê karên derve yê Moldovayê Mihai Popşoi, sekreterê giştî yê OSCE Feridun H. Sinirlioğlu û sekreterê giştî yê Encumena Ewropayê Alain Berset re civîneke bi bereket pêk anîne.

Cassis di derbarê mijarên ku di civînê de hatin gotûbêjkirin de got: “Di gotûbêjên me de pirsgirêkên heyî yên ewlehî û demokrasiyê li Ewropayê, di nav de piştgiriya Ukraynayê, parastina yekbûna hilbijartinan û berxwedana li dijî manîpulasyona agahdariya biyanî hatin nirxandin.”

Cassis girîngiya hevrêziya di navbera rêxistinan de xist ziman û got: “Herwiha me li ser xurtkirina hevkariya di navbera OSCE û Encumena Ewropayê de, dûbarekirina karan dûr xistin û afirandina sinerjiyê jî li hev kir.”

Cassis di daxuyaniya xwe de got: “Divê rêxistinên navneteweyî bêtir bi bandor, bêtir pratîkî û ji bo welatiyên me bêtir xuya bibin.”