Kurdî News Agency

Muhtîraya têgihiştinê li Bakû, paytexta Azerbaycanê, di navbera Yaser El-Cundî, rêveberê Enstîtûya Dîplomatîk a Wezareta Karên Derve û Koçberan a Sûriyê, û Fêrîz Îsmaîlzade, nûnerê Enstîtûya Pêşketin û Dîplomasiya Azerbaycanê de hat îmzekirin.

Hat diyarkirin ku armanca vê muhtîrayê pêşxistina hevkariya hevpar di warên dîplomasî û têkiliyên navneteweyî de, xurtkirina diyaloga nav saziyan û zêdekirina parvekirina pisporî û ezmûnan e.

Di çarçoveya vê têgihiştinê de, bernameyên pêşxistina kapasîteyê, çalakiyên perwerdehiya dîplomatîk û piştgirîkirina lêkolînên zanistî tê plan kirin.

Herwiha hate gotin ku her du alî dê di projeyên hevpar de ku parvekirina zanîn û ezmûnan di qada dîplomasiyê de zêde dikin, hevkariyê bikin.