Kurdî News Agency

Serokê Azerbaycanê Elîyev di 12emîn Civîna Wezîran a Korîdora Gazê ya Başûr û 4emîn Civîna Wezîran a Şûraya Şêwirmendiya Enerjiya Kesk de ku li Bakû hate lidarxistin axivî.

Elîyev diyar kir ku 10 welatên endam ên Yekîtiya Ewropayê (EU) ji Azerbaycanê gazê digirin û got ku di salên pêş de bi hilberîna nû ya gazê ji zeviyên Azerbaycanê kapasîteya exportê dikare zêde bibe.

Serok got: “Niha hejmarê welatên ku gaza Azerbaycanê digihîje wan gihiştiye 16. Bi vê hejmarê Azerbaycan di nav welatên ku bi boriyên gazê gazê pêşkêş dikin de li cîhê yekem ê cîhanê ye.”

Elîyev herwiha bal kişand ser girîngiya hevkariyê di projeyên kabloya enerjiyê de ku dê bi Deryaya Reş ve bigihîje Ewropayê û kabloya enerjiyê ku dê ji Asyaya Navîn were Azerbaycanê.

Îlham Elîyev jî got: “Azerbaycan ji bo çavkaniyên enerjiyê rola welatekî tranzîtê ya pêbawer dilîze. Beşdariya me di ewlehiya enerjiyê de tenê bi sînorên me an Korîdora Gazê ya Başûr ve ne sînordar e.”