Guterres: Ji bo Libnanê bangewaziya alîkariya mirovahî ya acîl ya 308 milyon dolarî dest pê dikin
Beyrut, 15 Adar (Hibya) - Sekreterê Giştî yê Neteweyên Yekbûyî (BM) Antonio Guterres ragihand ku ji ber êrîşên Israilê ji bo Libnanê bangewaziya alîkariya mirovahî ya acîl bi qasî 308.3 milyon dolar hat destpêkirin.
Sekreterê Giştî yê BM Guterres di serdana xwe ya li paytexta Libnanê Beyrutê de ragihand ku ji bo piştgirîkirina sivîlên ku ji êrîşên Israilê zarar dîtine bangewaziya alîkariya mirovahî ya acîl bi qasî 308.3 milyon dolar hat destpêkirin.
Serokwezîrê Libnanê Nawaf Salam di çalakiya ku tê de ev bangewazî hat ragihandin de got ku şerê heyî ne hilbijartina gelê Libnanê ye û rawestandina agirê êdî bûye pêdivî.
Salam got ku Libnan amade ye ku di bin serokatiya civaka navneteweyî de beşdarî danûstandinên bi Israilê re bibe û bal kişand ku divê dewlet tenê xwediyê desthilata girtina çekan be.
Li gorî Navenda Operasyonên Acîl a Tenduristiya Gel a Libnanê, di êrîşên ku ji 2ê Adarê ve didomin de hejmara kesên ku jiyana xwe winda kirine gihiştiye 773 kesan, û 1,933 kes birîndar bûne. Hate ragihandin ku hejmara zarokên ku jiyana xwe winda kirine gihiştiye 103 û hejmara zarokên birîndar gihiştiye 326.
Ajansa Nûçeyan a Kurdî
Facebook
Tweeter
Whatsapp
