UNRWA: Li Xezeyê nêzîkî 54 hezar zarok beşdarî çalakiyên havînê bûn
New York, 17ê Îlonê (Hibya) – Ajansa Alîkarî û Karên Neteweyên Yekbûyî ji bo Penaberên Filistînî (UNRWA) ragihand ku li seranserê Xezeyê nêzîkî 54 hezar zarok di çalakiyên havînê yên ku heft hefte dom kirin de beşdar bûn.
Ajansa Alîkarî û Karên Neteweyên Yekbûyî ji bo Penaberên Filistînî (UNRWA) ragihand ku li seranserê Xezeyê nêzîkî 54 hezar zarok di çalakiyên havînê yên ku heft hefte dom kirin de beşdar bûn.
Di parvekirina li ser hesabê medyaya civakî ya UNRWA de hate gotin ku di çalakiyan de fêrbûn, şahî û piştgiriya psîkososyal bi hev re hatine dayîn.
Di parvekirinê de hate gotin ku zarok ji xwendin û nivîsandin û jêhatîbûna hejmarî bigire heta huner û lîstikan beşdarî çalakiyên cuda bûn. Hate ragihandin ku di vê pêvajoyê de zarokan derfeta fêrbûnê, derbirîna xwe û danîna têkiliyan bi hevalên xwe re dîtin.
UNRWA diyar kir ku bi bidawîbûna çalakiyên havînê re sala nû ya dibistanê dest pê kir û got ku pêvajoya perwerdehiyê alîkariya zarokan dike ku fêrbûna xwe bidomînin.
Di daxuyaniyê de hate gotin ku armanc ew e ku sala nû ya dibistanê ji zarokan re hesta rêkûpêkî, aramî û hêviyê peyda bike.
Ajansa Nûçeyan a Kurdî
Facebook
Tweeter
Whatsapp
