Kurdî News Agency

Serokê Dewleta Ukraynayê Volodîmîr Zelenskî li ser rewşa giştî ya li Ukraynayê û civîna koordînasyonê ya bi altyapiya enerjiyê re girêdayî daxuyanî kir.

Derbarê rewşa dawî ya pergalê de agahî dayî û got: “Bi roja îro re, karmendên enerjiyê û tîmên tamîrê yên Ukraynayê pergalê enerjiyê bi temamî vegerandin rewşa berî çewtiya teknîkî ya roja Şemiyê. Pergal bi awayekî stabîl dixebite. Lêbelê, bi berçavkirina hewa ya pir sar û bandora êrişên Rûsyayê, hemû dijwarî hîn jî giran in.”

Li ser deverên ku Rûsya wan armanc dike, Zelenskî got: “Di 24 saetan dawî de li ser sazgehên enerjiyê yên li deverên cephe û sînorê êrişên nû yên Rûsyayê hatin kirin. Artêşa Rûsyayê hîn jî li ser terora li dijî altyapiya me ya lojîstîkê, bi taybetî rêhesinê, xwe foks dike. Bi taybetî li herêmên Dnîpro û Zaporîjya êrişên li dijî sazgehên rêhesinê hatin kirin.”

Zelenskî talîmatên xwe yên derbarê germkirinê û rêzikên ragihandinê parve kir û got: “Li Kîevê, bi giranî ji ber qezayan, zêdetir ji 200 avahî hîn jî bê germkirin in. Divê hemû xala alîkariyê û germkirinê yên li seranserê Ukraynayê di tevahiya dalgaya hewa ya sar de bi temamî amade bin. Her weha, karê kontrolkirina hemû stasyonên bingehîn hat dayîn; divê ragihandin stabîl be. Li Kropyvnytskyi, Poltava, Dnîpro, Çerkasî û li cihên niştecîhên sînorî, rewşa qutbûna elektrîkê hîn jî dijwar dimîne.”