Kurdî News Agency

Serokê Ukraynayê Volodimir Zelenski ragihand ku ew dixwazin di warê teknolojiyên parastinê de di navbera Ukrayna û Japonyayê de hem di asta hikûmetan de hem jî di navbera sektorên taybet de hevkarî were avakirin.

Zelenski di hevpeyvîna xwe ya bi saziya weşanê ya Japonî NHK re de got ku zêdetirî ji sedî 70ê pîşesaziya parastinê ya Ukraynayê di sektora taybet de ye û diyar kir ku ger bal bi taybetî li ser pîşesaziya parastinê were danîn, qebareya bazirganiyê ya di navbera her du welatan de dikare were zêdekirin.

Zelenski diyar kir ku ew hay ji cudahiyên navbera pergalên qanûnî yên Ukrayna û Japonyayê hene û got ku qada parastinê ji bo çavdêriya deryayî, îstîxbarat, dronên paqijkirina mayinan, parastina hewayî û ewlehiya sîberê girîng e, herwiha ji bo ewlehiya xwarinê jî girîngiyek mezin heye.

Zelenski got ku ew dixwazin di navbera Ukrayna û Japonyayê de peymanek li ser dronan bikin û diyar kir ku dibe ku hin amûrên parastinê yên ku Japonya pêwîstî pê hebe, hebin. Zelenski, bi diyarkirina ku biryara vê mijarê li destê Japonyayê ye, ji bo piştgiriya ku ji welatê wî re hatiye dayîn spas kir.