Di erdhejê ku li herêma Shimane ya Japonya pêk hat, şeş kes birîndar bûn
Stockholm, 6ê rêbendanê (Hibya) – Piştî erdhejê ku li parêzgeha Shimane ya Japonya pêk hat, şeş kes bi birînên cûda hatin şandin nexweşxanan.
Li herêma Shimane ya Japonya di saeta 10:18’an de (demê Tirkiyeyê 04:18) erdhejê bi hêza 6.2 pêk hat. Li herêmên nêzîkî navenda erdhejê, hêza hejandinê li gorî pîvana heft-qadî ya ku li Japonya tê bikaranîn, 5+ hate pîvan.
Li gorî Rêveberiya Agirkujiyê ya Shimane, çar kes di dema erdhejê de ji ber ketinê birîndar bûn û hatin şandin nexweşxane. Rêveberiya Agirkujiyê ya Hiroshima jî du birîndar tomar kir: yek kes ji ber rihêna rûnê germ ê ku di dema erdhejê de şiland bû, birîndar bû û yê din jî ji ber ketinê birîndar bû.
Li gelek herêman jî astengiyên di peydakirina avê de hatin ragihandin û hejmar tên nûvekirin. Her weha raporên li ser zirarên li rê û serbanan jî hene.
Li gorî daxuyaniyên fermî, di Santrala Nûkleer a Shimane ku li bajarê paytextê herêmê Matsue ye, astên radyasyonê normal in û ti rewşa acîl tune.
Serokwezîra Japonya Sanae Takaichi got ku piştî erdhejê bi lez li Ofîsa Serokwezîrê navendeke krîzê hate damezrandin û agahiyên li ser canqurban û ziraran tên zelal kirin.
Ajansa Nûçeyan a Kurdî
Facebook
Tweeter
Whatsapp
