Di êrîşa Rûsyayê ya li ser Kîyevê de herî kêm 10 kes jiyana xwe ji dest da
Kîyev, 6ê Tîrmehê (Hibya) - Wezareta Derve ya Ukraynayê ragihand ku di êrîşa dawî ya Rûsyayê ya li ser Kîyevê de herî kêm 10 kes jiyana xwe ji dest dane, zêdetirî 40 kes, di nav wan de du zarok jî hene, birîndar bûne û 15 xaniyan zirar dîtine.
Di daxuyaniya Wezareta Derve ya Ukraynayê de hate gotin ku Rûsya di nav hefteyekê de cara duyemîn êrîşeke mezin li dijî sivîlan li Ukraynayê kir. Di daxuyaniyê de hat gotin: “Di nav hefteyekê de cara duyemîn Rûsya li dijî sivîlên Ukraynayê êrîşeke mezin pêk anî. Di nav hefteyekê de cara duyemîn li Kîyevê roja şînê hate ragihandin.”
Di daxuyaniyê de herwiha hat gotin ku Rûsya bi awayekî sistematîk mûşekên balîstîk li dijî sivîlan bi kar tîne: “Îro mûşekeke balîstîk li avahiyeke niştecihiyan ket, mirovên bêguneh hatin kuştin û birîndar bûn.”
Wezaretê girîngiya piştgiriyê ji bo pergalên parastina asmanî destnîşan kir û got: “Her derengmayîna di radestkirina mûşekên parastina asmanî de, di nav wan de Patriot jî, bûyera windakirina jiyanên mirovan e. Her derengmayîn derfetê dide Rûsyayê ku zêdetir mirovan bikuje. Divê Ukrayna amûrên pêwîst hebe da ku gelê xwe biparêze.”
Ajansa Nûçeyan a Kurdî
Facebook
Tweeter
Whatsapp
