Ji Filistînê bertek li Îsraîlê li ser UNRWA
Ramallah, 25ê Tebaxê (Hibya) - Wezareta Karên Derve û Welatiyên Li Derveyî Welat a Filistînê li dijî vala kirina Navenda Perwerdehiya Pîşeyî ya Qalandiya, ku li Qudsa Rojhilat girêdayî Ajansa Alîkarî û Xebatên Neteweyên Yekbûyî ji bo Penaberên Filistînî (UNRWA) ye, ji aliyê rayedarên Îsraîlê ve bertek nîşan da.
Di daxuyaniya Wezareta Karên Derve û Welatiyên Li Derveyî Welat a Filistînê de hate diyarkirin ku vala kirina navendê bi derxistina xebatkaran û astengkirina vegera wan, li dijî destnedayîna tesîsên Neteweyên Yekbûyî û hiqûqa navneteweyî ye.
Di daxuyaniyê de hate gotin ku destwerdana rayedarên Îsraîlê li navendê erkên UNRWA yên ji bo penaberên Filistînî dike armanc û ji Neteweyên Yekbûyî, Encumena Ewlekariyê û civaka navneteweyî hate xwestin ku navend û tesîsên din ên UNRWA biparêzin.
Di daxuyaniyê de her wiha hate gotin ku “şermezarkirin êdî têr nake” û hate xwestin ku ji bo parastina çalakiyên UNRWA û astengkirina destwerdanên Îsraîlê gavên konkret bên avêtin.
Ajansa Nûçeyan a Kurdî
Facebook
Tweeter
Whatsapp
