Kurdî News Agency

Serokê Brezîlyayê Luiz Inacio Lula da Silva ragihand ku rêziknameya azadkirina bacê, ku di nav gel de bi navê “baca blûzan” tê zanîn, ji parlamentoyê derbas bûye û di projeyên pêşîn ên hikûmetê de serkeftineke girîng hatiye bidestxistin.

Lula da Silva bi diyarkirina ku soz hatiye bicihanîn, got: “Soz hate bicihanîn! Rakirina ‘baca blûzan’ ji aliyê Kongreyê ve hate pejirandin.”

Lula da Silva derbarê hûrguliyên rêziknameya qanûnî de got: “Tedbîra Demkî ya ku hikûmeta me di Gulanê de şand Parlamentoyê, rê li ber rakirina bacên federal ji kirînên navneteweyî yên serhêl ên heta 50 dolarî vedike.”

Lula da Silva derbarê pêvajoya qanûndanînê ya li parlamentoyê de agahî da û daxuyaniya xwe bi van gotinan qedand: “Ev yek ji serkeftinên girîng ên vê hefteyê di desthilata qanûndanînê de bû. Ji pênc projeyên pêşîn ên hikûmetê sê bi dawî hatin pejirandin.”