Kurdî News Agency

Lula li ser perwerdeya tam-demî, enstîtûyên federal, perwerdeya bilind, rêjeyên terkkirina dibistanê û binesaziya dîjîtal a perwerdeyê daneyên cuda parve kir û bal kişand ser pêwîstiya zêdekirina veberhênanên li perwerdeyê.

Lula di derbarê xebatên di warê perwerdeyê de agahî da û got ku ji sala 2023’an vir ve 1,8 milyon cihên perwerdeya tam-demî hatine afirandin û armanc ew e ku di dema pêş de ev model li seranserê welêt were berfirehkirin. Lula diyar kir ku perwerdeya tam-demî ji bo zarokan derfetên werzîş, huner û çandê peyda dike.

Lula got ku rêjeya dibistanên ku li gor standardên guncav ên perwerdeyê bi înternetê ve girêdayî ne ji sedî 44 derketiye ji sedî 74,5. Wî her weha got ku xwarina dibistanan dîsa bûye pêşîneyek. Lula diyar kir ku li 146 hezar dibistanan ji bo 40 milyon xwendekaran xwarin tê dayîn û çavkaniya ku ji bo her xwendekarek tê veqetandin bi navînî ji sedî 55 hatiye zêdekirin.

Lula di nirxandina girîngiya polîtîkayên perwerdeyê de got: “Perwerde lêçûn ne, veberhênan e”. Serokê Brezîlyayê gotinên xwe bi vê pirsê bi dawî kir: “Pirsa rastîn ku divê her tim were kirin ev e: Berê veberhênan nekirin çiqas li welêt ketiye?”