Kurdî News Agency

Serokê Ofîsa Qesra Spî Stephen Miller derbarê Serokê DYAyê Donald Trump de daxuyaniyek da.

Miller diyar kir ku ji roja yekem a destpêka pêşbaziya serokatiyê ya Trump di sala 2015an de li kêleka wî sekinîye. Wî got: “Ger Serok Trump nebûya, dibe ku Dewletên Yekbûyî yên Amerîkayê îro tune bûna. Vî zilamî Amerîka rizgar kir.” Miller îdia kir ku Trump artêşa DYAyê ji hilweşînê, aboriyê ji wêrankirinê û sînoran ji tunebûnê rizgar kiriye.

Miller her wiha behsa hewldana kuştina Trump kir, ku di wê de bi guleyekê birîndar bû, û behsa pêvajoyên hiqûqî yên li dijî wî kir. Wî îdia kir ku Trump Partiya Komarparêz jî rizgar kiriye. Miller got: “Divê em li kêleka vî zilamî bisekinin ku bi hemû hêza xwe li kêleka me û vî welatî sekinîye.”

Miller got ku bûna Serokê Ofîsa Trump şerefa herî mezin a jiyana wî ye û ji Serokê DYAyê re soza “dilsoziya bê şert, pabendbûna bêhejandin û piştgiriya tam” da.