Piştî têkçûna agirbestê, li Helebê şerûşev bi nû ve dest pê kir
Stokholm, 10 Çile (Hibya) – Piştî ku şervanên Hêzên Demokratîk ên Sûriyê (SDF) li gor peymana agirbestê nekir û paşvekişandinê red kirin, artêşa Sûriyê li Helebê ket nav şerûşevên giran.
Serokê rewşên acîl yên Helebê, Mihemed el-Rajab, ji Al Jazeera re got ku herî kêm 162 hezar kes ji ber şerûşevan ji taxên Eşrafiye û Şêx Maqsûd reviyane.
Çavkaniyek leşkerî ya Sûriyê ji Al Jazeera re got ku artêş li taxa Şêx Maqsûdê “pêşketin çêkir” û niha 55 ji sedî yê herêmê di bin kontrolê de ye.
Artêşê ragihand ku şervanên SDF herî kêm sê leşkerên Sûriyê kuştine. SDF jî îdia kir ku komên bi hukûmeta Sûriyê ve girêdayî li Deyr ez-Haferê, li rojhilatê Helebê, bi topan êrîş kirine û ev êrîş sedema mirina keçeke 10-salî bû.
Ji roja sêşemê ve ku şîdet bilind bûye, herî kêm 22 kes, di nav de sivîlên jî, hatine kuştin.
Di heman demê de, li gor rapora Dîtgeha Mafên Mirovan a Sûriyê (SOHR) ya ku navenda wê li Londonê ye, 15 ambûlansên Heyva Sor a Kurdî û tîmên tenduristî yên bi alîkariyên mirovî ve amade, li gor standardên navneteweyî daxwaza rêya ewleh kirin da ku birîndaran ji taxên Şêx Maqsûd û Eşrafiye derxin. Lê ev daxwaz hate red kirin.
Li gor çavkaniyên bawerbar ên SOHR, konvoya tenduristî bi gelek aliyên di Hikûmeta Demkî de têkilî danî, lê bersiv wergirtin û piştî ku gihîşt bajarê Tabqa, neçar ma ku vegere.
Ajansa Nûçeyan a Kurdî
Facebook
Tweeter
Whatsapp
