Kurdî News Agency

Wezîrê Karên Derve yê DYA Marco Rubio di peyama xwe ya bi boneya Roja Serxwebûna Hindistanê de bal kişand ser kûrahiya têkiliyên dualî yên di navbera Washington û New Delhi de û got ku qadên hevkariyê berfireh dibin.

Rubio, ku pîrozbahiyên xwe gihand û behsa diyaloga di navbera serokên her du welatan de kir, got: “Li ser navê Dewletên Yekbûyî, ez bi dil û can Roja Serxwebûnê li gelê Hindistanê pîroz dikim. Bi saya têkiliya kesane ya di navbera Serok Trump û Serokwezîr Modi de, têkiliyên DYA-Hindistanê berdewam dikin ku pêş bikevin û ji her demê bihêztir in.”

Rubio qadên hevkariya stratejîk rêz kir û got: “Ji parastin û ewlehiya enerjiyê heta mîneralên krîtîk, aqilê çêkirî, hevkariya fezayê û bazirganiyê, hevkariya me her du welatên me û herêma berfireh a Okyanûsa Hindê ewletir, bihêztir û dewlemendtir dike.”

Rubio bi girîngiya têkiliyên di navbera her du civakan de bal kişand û got: “Hevaltiya kûr û têkiliyên malbatî yên di navbera her du gelên me de bingeha hevkariyek nûjen, berxwedêr û ber bi pêşerojê ve ye. Dewletên Yekbûyî bi hêvî li pêşeroja ku her du welat dê bi hev re ava bikin dinêre.”