Kurdî News Agency

Serokwezîrê Spanyayê Pedro Sanchez di daxuyaniya xwe ya bi boneyê Roja Navneteweyî ya Dijî Homofobî, Transfobî û Bifobî de bi gotina “Maf nikarin bibin mijara danûstandinê” bal kişand ser wekhevî û azadiyê.

Sanchez di peyama xwe de bal kişand ser azadî, cihêrengî û wekheviyê û got: “Îro em careke din girêdana xwe bi Spanyayeke azad, cihêreng û bi vê yekê serbilind re piştrast dikin.”

Sanchez got ku prensîba wekheviyê ne mijara nîqaşê ye û got: “Wekhevî nayê nîqaşkirin. Û nefret tu carî dê pêşeroja welatê me diyar neke.”

Sanchez diyar kir ku Spanya bi cihêrengiya civakî hêzdartir dibe û got: “Spanya dema ku kes neçar nebin ku nasnameya xwe veşêrin pêş dikeve.”