Kurdî News Agency

Li gorî habera CCTV, Trump êvara Çarşemê gihîşt Pekînê. Li balafirgehê ji aliyê Cîgirê Serokê Dewleta Çînê Han Zheng, Cîgirê Wezîrê Karên Derve Ma Zhaoxu û Balyozê Çînê li Washingtonê Xie Feng hat pêşwazîkirin.

Piştî pêşwaziyê ji bo Trump merasîmek leşkerî hate lidarxistin. Endamên Artêşa Rizgariya Gel a Çînê (PLA) silava rêzgirtinê dan û bi muzîka leşkerî pêşwazî hate kirin. Di merasîmê de ciwanên çînî jî hate dîtin ku ala her du welatan dihejandin.

Hat ragihandin ku ev seredana yekem a serokekî Amerîkî ye ku di neh salên dawî de li Çînê tê kirin û her weha yekem hevdîtina rû bi rû ya her du rêberan e ji civîna wan a sala borî li bajarê Busan a Koreya Başûr.

Wezareta Karên Derve ya Çînê ragihand ku di civînan de Xi Jinping dê bi Trump re li ser têkiliyên Çîn-Amerîka û mijarên aşti û pêşketina cîhanî guftûgoyeke berfireh bike.