Sybiha: Dîroka me û Lavraya me ji aliyê tu kesî ve nayê dizîn
Kiev, 15ê Tebaxê (Hibya) – Wezîrê Karên Derve yê Ukraynayê Andrii Sybiha bi boneya 975emîn salvegera damezrandina Lavraya Kyiv Pechersk ragihand ku manastir yek ji sembolên girîng ên kevneşopiya dewletbûna Ukraynayê û Xirîstiyantiya destpêkê ya li Ewropayê ye.
Sybiha got ku hezar sal berê Kyiv xaleke girîng a derbasbûnê bû ku şaristaniya Xirîstiyanî ji wê derê digihîşt rojavayê Ewropayê û rêya Ukraynayê ber bi endametiya Yekîtiya Ewropayê ve wek “vegerandina cihê me di malbata Ewropî de” bi nav kir. Sybiha her wiha gotinên Rûsyayê yên derbarê “dîroka hezar salî” de rexne kir.
Sybiha îdia kir ku Rûsya ji ber ku nekarî dîroka xwe pêş bixe, hewl dide dîrok û nasnameya cîranên xwe ji xwe re bike û got: “Rûsya çi bike jî, ajandaya me heye. Û dîroka me heye. Û Lavraya me ya Kyiv Pechersk heye ku tu kes nikare wê bidize an tune bike.”
Sybiha her wiha ragihand ku di 975emîn salvegera Lavrayê de kevneşopiyeke nû hat destpêkirin ku dîroka wê ya bi sedsalan û rêwîtiya Ukraynayê ber bi hezarsaliya xwe ve sembolîze dike û zengil bi hev re lêdan.
Ajansa Nûçeyan a Kurdî
Facebook
Tweeter
Whatsapp
