UNRWA: Di 24 saetên dawî de 30 Filîstînî di êrîşên hewayî de jiyana xwe winda kirin
Gaza, 2ê Sibatê (Hibya) – Ajansa Alîkariya Komên Yekbûyî ji bo Penaberên Filîstînî (UNRWA) ragihand ku, her çend li Gazayê agirbest berdewam e, di êrîşên hewayî de canwinda hatine qeyd kirin û li herêmê tirs û nezelalî didomîne.
UNRWA li ser rewşa niha ya li Gazayê nirxandin pêk anî.
Rayedarê UNRWA, Sam Rose, ji BBC News re got: “Em li vir dînamîkên hevdujwar dibînin. Ji aliyekî ve, bi vegerandina veguhestina Refahê pêşketinek erênî heye, lê di 24 saetên dawî de, di dema agirbestê de hatine kirin êrîşên hewayî, 30 Filîstînî jiyana xwe winda kirin.”
Rose diyar kir ku ji bo sivîlên li Gazayê tirs û nezelalî didomîne û got: “Gihîştin hêj sînordar e, endîşeyên li ser parastina sivîlan didomin û ji ber sînorkirinên operasyonî, hewcedariyên mirovahî gihîştine asteke pir krîtîk.”
Rayedarê UNRWA got ku, bi hemû zehmetiyan re jî, çalakiyên xwe li qada karê didomîne û got: “Em bi berdewamî alîkariya mirovahî ya jiyan-parêz pêşkêş dikin.”
Ajansa Nûçeyan a Kurdî
Facebook
Tweeter
Whatsapp
