Uşakov: Civîna Putin û Witkoff pir kûr, avakirinî û bi dilpakî bû
Washington, 23 Çile (Hibya) – Şêwirmendê siyaseta derve ya Kremlinê, Yuriy Uşakov, got ku di civîna navbera Serokê Rûsyayê Vladimir Putin û nûnerê taybet ê Serokê Dewletên Yekbûyî yên Amerîkayê Donald Trump, Steve Witkoff, de li ser gavên nû di qadên ewlehî û aborî de lihevhatin hate bidestxistin.
Uşakov got ku Serok Putin bi nûnerê taybet Witkoff re civînek kir, ku nêzîkî çar saetan dom kir û “pir kûr, avakirinî û bi dilpakî” bû.
Wî destnîşan kir ku di civînê de nirxandinên li ser têkiliyên heyeta Amerîkî bi Ukrayna û Ewropayê re hate gotûbêj kirin û di vê çarçoveyê de gavên pêşerojê yên gengaz di navbera her du welatan de hate nîqaş kirin.
Li gorî wî, aliyên li hev kir ku civîna yekem a komîteya kar a sêalî ya li ser ewlehiyê, bi beşdariya Rûsya, Dewletên Yekbûyî û Ukraynayê, di 23 Çile de li Abu Dabi were lidarxistin.
Uşakov bal kişand ku li ser çareserkirina siyasî û dîplomatîk a krîza Ukraynayê hate rawestan û gotina ku “çareseriyeke domdar bêyî ku mijara axê were vegotin ne gengaz e” hate piştrastkirin. Wî zêde kir ku Putin got ku Rûsya dê heta ku çareserî were bidestxistin armancên xwe yên li ser erdê bidomîne.
Uşakov her weha got ku pêşniyara Donald Trump a avakirina “Encûmena Aştiyê” jî hat ser maseyê û Rûsya amade ye ji malên xwe yên qeflîkirî 1 mîlyar dolarê bi kar bîne. Wî zêde kir ku pêşeroja têkiliyên Rûsya–Amerîka jî hate gotûbêj kirin û aliyên dê di derbarê Ukrayna û mijarên din de têkiliyên nêzîk bidomînin.
Ajansa Nûçeyan a Kurdî
Facebook
Tweeter
Whatsapp
