Kurdî News Agency

Wezîrê Karên Derve yê Ukraynayê Andrii Sybiha li New Yorkê bi Wezîrê Karên Derve yê Panamayê Javier Chapma re hevdîtin kir.

Sybiha di parvekirina xwe ya li ser medyaya civakî de got ku di hevdîtinê de wî hevtayê xwe li ser rewşa eniyê û hewldanên aştiyê yên Ukraynayê agahdar kir. Wî diyar kir ku Ukrayna dixwaze şer bi dawî bibe û aştiyeke berfireh û domdar ji nû ve were avakirin.

Sybiha ragihand ku di hevdîtinê de wan bal kişand ser ewlehiya deryayî û azadiya seyrûseferê û got ku ewlehiya rêyên deryayî ji Deryaya Reş heta Kanala Panamayê bi hev ve girêdayî ye.

Sybiha îdia kir ku hewldanên Rûsyayê ji bo astengkirina seyrûseferê li Deryaya Reş û êrîşên wê yên berdewam, ji derveyî herêmê jî ewlehiya xwarinê ya cîhanî tehdîd dikin.

Sybiha ji bo piştgiriya Panamayê spas kir û got ku wî girîngiya beşdariya pratîk a Panamayê di vegerandina zarokên ku li gorî gotina wî ji aliyê Rûsyayê ve ji Ukraynayê hatine deportkirin de destnîşan kir.

Sybiha got ku di hevdîtinê de mijara berpirsiyariyê ji bo sûcê êrîşê jî hat nîqaşkirin û diyar kir ku ew ê ji nirxandina Panamayê ya tevlîbûna Dadgeha Taybet kêfxweş bibin.

Sybiha ragihand ku wan li ser domandina dînamîka erênî ya têkiliyên dualî li hev kirin û ew li bendê ye ku Wezîrê Karên Derve yê Panamayê li Ukraynayê pêşwazî bike.