Kurdî News Agency

Alîkarê Serokwezîr û Wezîrê Karê Derve yê Pakistanê, Senator Muhammed Ishaq Dar, li New Yorkê bi Wezîrê Karê Derve û Hevkarîya Navneteweyî yê demkî yê Lîbyayê Al-Taher Al-Baour re hevdîtin kir.

Li gorî daxuyaniya Wezareta Karê Derve ya Pakistanê, di hevdîtina ku di çarçoveya civîna 81emîn a Civata Giştî ya Neteweyên Yekbûyî de pêk hat de, eleqe ji bo bihêzkirina zêdetir a têkiliyên dostane yên di navbera Pakistan û Lîbyayê de, bi taybetî di bazirganî, perwerde û hevkariyên navbera şîrketan de, hate diyar kirin.

Di hevdîtinê de her weha pêşketinên herêmî û navneteweyî û rewşa Rojhilata Navîn hatin nirxandin. Alîyan bandora van pêşketinan li ser aştiya herêmî, dabînkirina enerjiyê û aboriya gerdûnî, bi taybetî ji bo welatên di pêşketinê de, nirxand.

Wezîrê Karê Derve yê demkî yê Lîbyayê Al-Baour hewldanên dîplomatîk ên avaker ên Pakistanê ji bo aşti û aramiya herêmî pesn kir.

Dar jî diyar kir ku di çareserkirina pirsgirêkên herêmî de diyalog û dîplomasî hîn jî tenê riya pêkan e û tekez kir ku ji bo pêşxistina aramiya herêmî divê hemû alî vegerin Lihevhatina Islamabadê.