Kurdî News Agency

Serokê Fransayê Emmanuel Macron ragihand ku êvarê dê bi Serokê Ukraynayê Volodimir Zelenski re hevdîtineke berfireh pêk bîne.

Macron di parvekirina xwe ya li ser hesabê medyaya civakî de diyar kir ku êrişên Rûsyayê li ser binesaziya enerjiyê ya Ukraynayê xetera wê diafirînin ku bi milyon malbat ji gihîştina germkirin û elektrîkê bêpar bimînin.

Macron bi diyarkirina ku Fransa dê li kêleka Ukraynayê be got ku welatê wî dê di mijara pêdiviyên enerjiyê yên demsala zivistanê de piştgiriyê bide Ukraynayê û G7 Energy jî dê di vê çarçoveyê de bikeve tevgerê.

Macron ragihand ku ji bo bihêzkirina kapasîteya berevaniya hewayî ya Ukraynayê dê peymanek ji bo radaran were îmzekirin û pergalên astengkirinê werin peydakirin.

Macron got ku wî ev piştgirî bi Serokê Amerîkayê Donald Trump re jî nîqaş kiriye û ragihand ku ihtîmala agirbesteke enerjiyê û moratoryumekê li Deryaya Reş jî hatiye nirxandin.

Macron diyar kir ku ev destpêşxerîya ku ji aliyê Fransayê ve tê piştgirîkirin dê bibe yek ji mijarên sereke yên danûstandinên ku divê ji nû ve dest pê bikin û hewldanên ji bo gihîştina aştiyeke dadperwer û domdar.