Kurdî News Agency

Wezîrê Karên Derve û Welatiyên li Derveyî Welat yê Sûriyê Esad Hesen eş-Şeybanî, li paytexta Lîbyayê Trablusê bi Serokê Hikûmeta Yekîtiya Neteweyî ya Lîbyayê Ebdulhemîd ed-Dubeybe re hevdîtin kir.

Li gorî daxuyaniya Wezareta Karên Derve ya Sûriyê, di hevdîtinê de têkiliyên dualî yên di navbera her du welatan de hatin nirxandin. Aliyan li ser rêyên xurtkirin û pêşxistina têkiliyan di qadên cuda de nîqaş kirin.

Di hevdîtinê de herwiha hate tekez kirin ku berfirehkirina qadên hevkariyê di navbera saziyên peywendîdar ên her du welatan de, ligel xurtkirina ragihandin û koordînasyonê, dê ji berjewendiyên hevpar re xizmet bike.