Kurdî News Agency

Wezîrê Karên Derve yê Estonyayê Margus Tsahkna derbarê êrîşên ÎHAyan ên ku Rûsyayê li seranserê Ukraynayê pêk anîn de daxuyanî da.

Tsahkna got ku êrîşan bi taybetî li gundê Myla encamên giran derxistine holê û bang kir ku zext li ser Rûsyayê were zêdekirin û piştgiriya Ukraynayê bidome.

Tsahkna di parvekirina xwe ya li ser medyaya civakî de ragihand ku ÎHAyên Rûsyayê şeveke din jî li seranserê Ukraynayê êrîş pêk anîn.

Tsahkna got ku gundê Myla yek ji êrîşên herî giran dît û ÎHAyên Rûsyayê ji bilî binesaziya krîtîk, depo, blokên niştecîh û malên kal û pîran jî kirin armanc.

Tsahkna ragihand ku di encama êrîşan de 27 kes mirin. Wî got ku Odesa, Dnipro û Kîev jî di nav herêmên ku hatin armanckirin de bûn û tenê di şevekê de zêdetirî 260 ÎHAyên êrîşkar hatin bikaranîn.

Tsahkna got ku armanca êrîşên Rûsyayê teror û wêrankirin e û bal kişand ser vê yekê ku di demên dawî de êrîşên li ser binesaziya krîtîk dubare bûne.

Tsahkna êrîşên vê hefteyê li ser binesaziya krîtîk wekî “hewldanek hesabkirî ji bo ku Ukraynayiyan berî zivistanê di sar, birçî û tarîtiyê de bihêlin” bi nav kir.

Tsahkna got ku divê ev plana Rûsyayê têk biçe û bang kir ku zexta navneteweyî li ser Moskowê were zêdekirin.

Tsahkna got ku divê li dijî Rûsyayê cezayên hîn dijwar werin sepandin, tecrîda navneteweyî hîn kûrtir bibe û tu tawîz neyê dayîn: “Zext li ser Rûsyayê divê zêde bibe; cezayên hîn dijwar, tecrîda navneteweyî ya hîn kûr, sifir tawîz.”

Tsahkna herwiha tekez kir ku piştgiriya navneteweyî ya ji bo Ukraynayê divê bi hêz û bê navber bidome û got: “Piştgiriya Ukraynayê divê wek hesin saxlem bimîne û di her riya alîkariyê de domdar be.”