Kurdî News Agency

Li gorî ragihandina CCTVê, piştî agirê ku li navenda bazirganiyê ya li bajarê benderî Karaçî, li başûrê Pakistanê, derket, hejmara miriyan gihîşt 60. Rayedaran ragihandin ku ji firoşgehêkê di avahiya pir-qatan de herî kêm 30 cesed hatine derxistin.

Rayedarê polîsê Syed Asad Raza got ku cesed li qata navîn a navenda bazirganiyê hatine dîtin û destnîşan kir ku gelek kes hîn winda ne û karên lêgerînê didomin.

Raza diyar kir ku operasyonên rizgarkirinê bi bikaranîna makîneyên herî nûjen têne meşandin û xirbeyên beşên ku hilweşiyan hatine rakirin.

Li gorî gotina rayedarê, ji ber dûm û germbûna pir bilind a hundirê avahiya zirarê dîtî, tîmên rizgarkirinê di gihîştina hin herêman de dijwarî dikişînin. Wî zêde kir ku beşek ji avahiyê bi temamî hat vekirin, lê di du beşên din de karên lêgerînê ji bo rizgarkirina kesên ku di bin xirbeyan de mayine didomin.