Kurdî News Agency

Nûnera Bilind a Yekîtiya Ewropayê (YE) ji bo Karên Derve û Siyaseta Ewlehiyê Kaja Kallas ji ber windakirina jiyanên mirovan di qezaya helîkoptera girêdayî Hêzên Aştiyê yên YE, EUFOR, de li nêzî herêma Brçkoyê ya Bosna û Hersekê xemgîniya xwe anî ziman.

Kallas ji malbatên kesên ku jiyana xwe ji dest dane û ji hemû kesên ku ji qezayê bandor bûne re sersaxî xwest. Kallas diyar kir ku personelên EUFOR ji bo piştgirîkirina aşitî û aramiyê li Bosna û Hersekê wezîfe dikin û tekez kir ku ev xebat hîn jî girîngiya xwe diparêze.

Kallas ragihand ku wê sersaxiya xwe gihandiye Wezîrê Karên Derve yê Îtalyayê Antonio Tajani û Wezîrê Parastinê Guido Crosetto û tekez kir ku Ewropa di vê dema zehmet de bi Îtalyayê re di nav hevgirtinê de ye.

Kallas her wiha diyar kir ku ew bi Fermandarê EUFOR û nûnerên YE yên li qadê re di têkiliya nêzîk de ne.