Qeterê binpêkirinên Îsraîlê li ser axa Sûriyê şermezar kir
Doha, 4 Cotmehê (Hibya) - Wezareta Karên Derve ya Qeterê binpêkirinên Îsraîlê li ser axa Sûriyê û temamkirina xebatên li ser xeta bi navê “Sufa 53” şermezar kir.
Wezareta Karên Derve ya Qeterê derbarê çalakiyên Îsraîlê li ser axa Sûriyê de daxuyanî da.
Di daxuyaniyê de hat gotin ku binpêkirinên Îsraîlê li ser axa Sûriyê didomin û wekî çalakiya herî dawî, temamkirina xebatên li ser xeta bi navê “Sufa 53” hat şermezarkirin.
Di daxuyaniyê de hat îdia kirin ku ev gav binpêkirina serweriya Sûriyê û prensîbên hiqûqa navneteweyî ye û ji bo ewlehiya herêmî tehdîdê çêdike.
Bang li civaka navneteweyî hat kirin ku ji bo bicihanîna biryarên qanûnî yên navneteweyî ji aliyê Îsraîlê ve, bi taybetî Peymana agirbestê ya sala 1974-an, û ji bo bidawîkirina êrîşên li ser axa Sûriyê gavên bilez bavêje.
Di daxuyaniyê de herwiha piştgiriya Qeterê ji serwerî, serxwebûn û yekparebûna axa Sûriyê careke din hat ragihandin.
Ajansa Nûçeyan a Kurdî
Facebook
Tweeter
Whatsapp
