Kurdî News Agency

Serokê Ukraynayê Volodimir Zelenski diyar kir ku welatê wî alîgirê aştiyê ye û ew piştgirî didin destpêşxeriyên dîplomatîk ên ji bo bidawîkirina şer.

Zelenski diyar kir ku piştî ku DYE daxwaz kir 25, 26 û 27ê Tebaxê êrîşên li ser Moskow û St. Petersburgê bên rawestandin, Ukrayna li gor vê bangê tevgeriya û di wan rojan de êrîş li Rûsyayê pêk neanî.

Zelenski diyar kir ku tevî vê yekê, êrîşên li ser Ukraynayê berdewam kirin.

Zelenski got ku dema hêzeke din a cîhanî daxwaz kir ku êrîşên ber bi Vladivostokê ve ji bo demeke diyarkirî bên rawestandin, wan ev daxwaz jî qebûl kir û diyar kir ku li Moskowê civînên nû tên amadekirin û ew ê vê pêvajoyê li ber çavan bigirin.

Zelenski got: “Divê şer bi dawî bibe û rast e ku rêber vê yekê ji Putin re bibêjin.”

Zelenski diyar kir ku heke di çarçoveya dîplomasî û danûstandinan de hevkarên wan daxwaz bikin, ew ê ji bo dem û rêyên diyarkirî qada hewayî ya Rûsyayê ji droneyan vala bihêlin û got: “Dema ku tevgera rastîn a aştiyê hebe, ewlehî dê vegere ezmanê Rûsyayê.”