Kurdî News Agency

Neteweyên Yekbûyî (NY), bi boneya Roja Navneteweyî ya Li Dijî Ceribandinên Nukleerî, bal kişand ser bandorên ceribandinên nukleerî li ser jîngehê, pêşketina aborî û tenduristiya mirovan.

Di parvekirina hesabê medyaya civakî ya NY de hat ragihandin ku ceribandinên nukleerî zirarê didin jîngehê, bandoreke neyînî li pêşketina aborî dikin û ji bo jiyan û tenduristiya mirovan encamên wêranker derdixin holê.

Di parvekirinê de hat tekez kirin ku ceribandinên nukleerî pratîkeke ji dema borî mayî ye û di sedsala 21emîn de cihê wê tune ye.

NY di parvekirina xwe de herwiha bi bîr xist ku îro Roja Navneteweyî ya Li Dijî Ceribandinên Nukleerî ye.