Pakistan û Çînê li ser pêşxistina hevkariya stratejîk axivîn
Îslamabad, 25ê Cotmehê (Hibya) - Cîgirê Serokwezîr û Wezîrê Karên Derve yê Pakistanê, Senator Mohammad Ishaq Dar, bi Balyozê Çînê yê li Îslamabadê Jiang Zaidong re hevdîtin kir. Di hevdîtinê de pêşxistina hevkariya stratejîk a di navbera her du welatan de, têkiliyên bazirganî û veberhênanê û pêşveçûnên herêmî hatin gotûbêjkirin.
Li gorî daxuyaniya Wezareta Karên Derve ya Pakistanê, Dar razîbûna xwe ji pêşketinên ku di hevkariya stratejîk a di navbera Pakistan û Çînê de, ku di her şert û mercan de tê domandin, hatine bidestxistin anî ziman. Di hevdîtinê de hevkariya di çarçoveya Korîdora Aborî ya Çîn-Pakistanê (CPEC) de, girêdana binesaziyan û rêyên ragihandinê, bazirganî, veberhênan, nûjenkirina çandiniyê û pêşxistina têkiliyên di navbera gelên her du welatan de hatin nirxandin.
Dar tekezî li ser girîngiya domandina bi rêkûpêk a têkiliyên di asta bilind de kir, da ku di serdema pêş de armanca avakirina paşerojeke hevpar di navbera Pakistan û Çînê de were pêşxistin. Di hevdîtinê de her wiha li ser pêşveçûnên herêmî nêrîn hatin guhertin û bal hate kişandin ser girîngiya diyalog û dîplomasiyê ji bo dabînkirina aşitî û aramiya mayînde li herêmê.
Ajansa Nûçeyan a Kurdî
Facebook
Tweeter
Whatsapp
