Lula bi Kanada re hevkariya aborî nîqaş kir
Manîla, 15ê Mijdarê (Hibya) – Serokê Brezîlyayê Luiz Inácio Lula da Silva di civîna dualî ya ku li Fîlîpînan bi nûnerên Kanadayê re pêk anî de, pêşxistina têkiliyên di navbera her du welatan de, hevkariya aborî û xurtkirina têkiliyên bazirganî nîqaş kir. Lula civîn wekî civîneke bi encam binav kir.
Serokê Brezîlyayê Luiz Inácio Lula da Silva piştî civîna xwe ya dualî bi nûnerên Kanadayê re li Fîlîpînan daxuyanî da. Lula diyar kir ku di civînê de mijarên derbarê pêşxistina têkiliyên aborî û bazirganî yên di navbera her du welatan de hatine nîqaşkirin.
Lula diyar kir ku civîn bi encam bû û bal kişand ser girîngiya nêzîkkirina têkiliyên Brezîlya û Kanadayê. Wî got ku her du welat dixwazin aboriya xwe, derfetên kar û sektora karsaziyê xurt bikin.
Lula di nirxandina xwe ya derbarê civînê de got: "Em hatin da ku Kanada û Brezîlyayê nêzî hev bikin, aboriya xwe, derfetên kar û civaka karsaziya xwe xurt bikin."
Lula her wiha ragihand ku gelek wezîr û berpirsên hikûmeta Brezîlyayê jî beşdarî civînê bûne.
Serok Lula di parvekirina xwe de got: "Ez li vir im, rasterast ji Fîlîpînan, bi peyameke pir girîng ji bo hevalbendên me. Dengê min hê jî qerimî ye, lê ev qerimîna dengê serkeftinê ye."
Ajansa Nûçeyan a Kurdî
Facebook
Tweeter
Whatsapp
